標籤貼紙,標籤機,條碼機,條碼貼紙-標籤公司
    關於我們   產品介紹   標籤機介紹   條碼機介紹   最新消息
最新消息 > 6大紋身貼紙搶Fo位

雖然依然有好多人覺得用紋身貼紙Tattoo Paper係一件好「鱷魚頭老襯底」嘅事,但它在年輕人的世界裏人氣急升也是不爭的事實,在這個訊息萬變嘅時代裏,變幻才是永恒,紋身都可以咁Fast Fashion,問你死未?不過亦唔好一味鬧住,其實換個角度諗,將紋身貼紙當成係手鏈、頸鏈等Accessories咁用,又真係幾OK喎!手鏈你都會得閒換吓款唔會日日戴住嗰條啦,咁假嘅紋身一頭半個月換吓又何妨先? 不過既然將紋身貼紙當作成首飾般去看待,即係話當中定必涉及Mix & Match的配襯學問,紋喺邊個部位,襯啲咩衫同埋Show幾多個紋身出嚟,都要經過一定的計算同拿捏才稱得上有型,今日就同大家精選6個最搶Fo的紋身貼紙部位及一些配搭小技巧吧!

【1.手腕】 Bracelet Tattoo絕對係近年紋身標籤貼紙之中最王道的款式,只因港人向來就鍾意將形形式式的手鏈穿戴在手腕上,特別係熱到嘩嘩聲的夏天,手腕點都要有一點Accessories才叫入型入格(光着兩隻手臂乜都無好肉酸架!),而Bracelet Tattoo比起真實手鏈的一大好處就係觸感舒適,唔會令你覺得累贅,確保你夏日炎炎仍然得以維持通爽狀態。 當然如果男人嫌Bracelet Tattoo有點姣的話,其實Watch Tattoo都會係一個選擇,買唔起過百萬的PP,依家就「貼」上去吧! 【2.脖子】 頸部紋身貼紙大致分2類,為初入門的圖案式及進階的頸鏈式,圖案式很簡單,就係將一個公仔圖案貼到頸側部分就可以了,小巧卻入目三分,而頸鏈式紋身雖然有型,但貼紙款式就一定要小心選擇,否則搞到成個陳浩南咁就唔係幾好了。